ڊاڪٽر تنيو شمس الدين

شمس الدين تنيو، ڊاڪٽر: مشهور اُستاد ۽ زرعي سائنسدان ڊاڪٽر شمس الدين تنيو پهرين مارچ 1955ع تي ڳوٺ ٺوڙهي بجار، تعلقي قمبر ۾ ڄائو. تعليم بي. ايس. سي آنرز (ايگرا نامي:1977ع)، ايم. ايس. سي (ايگرانامي:1980ع ۽ پي. ايڇ. ڊي (يونيورسٽي آف وينز، برطانيا: 1990ع) آهي. ڊپارٽمينٽ آف ايگرانامي، زرعي يونيورسٽي ٽنڊي ڄام۾ پروفيسر ۽ ڊين جي عهدي تي فائز آهي. سٺو نثر نگار، لغات نويس، ايگرانامسٽ ۽ مترجم آهي. سندس تحقيق ۽ ترتيب ۾ هيٺيان ڪتاب شامل آهن: (1) ”نيو سائنٽيفڪ ڊڪشنري“ (انگريزي-سنڌي 1995ع)، (2) ”وڌايل ۽ سڌاريل ايڊيشن“ (2003ع)، Glossary of Agricultural Terms (2001)، (3) ”فصل ۽ گندگاهه“ (2004ع)، (4) ”نج ٻج“ پيداوار ۽ چڪاس (2005ع)، (5) ”فصلن جي گڏيل پوک“ (ڊاڪٽر حاجي اسلام الدين مجيداڻي سان گڏ 2004ع) ۽ (6) ”سنڌ جا فصل“ (2007ع) ۽ ”سنڌ جي زراعت“ (2007غ، ”سنڌ جون ڀاڄيون ۽ مصالحه“ (2009ع) ڇپيل آهن. هو هن وقت ٽنڊي ڄام ۾ رهي ٿو. سنڌي ٻولي اٿارٽيءَ جي انسائيڪلوپيڊيا سنڌيانا جي ايڊيٽرن جي پئنل ۾ شامل آهي.

داخلا ۾ استعمال ٿيل تاريخون

1955.03.01  عيسوي

ڊاڪٽر شمس الدين تنيو پهرين مارچ 1955ع تي ڳوٺ ٺوڙهي بجار ، تعلقي قمبر ۾ ڄائو

شخصيتون - ڀاڱي جون ٻِيون داخلائون